in

InspiringInspiring EmotionalEmotional

Sonakshi Sinha Dabangg message for you

Same degree, same position… par laundey ka zyaada wage hai.

Main poochun toh kehte casually “tumhari toh kuch aur responsibilities ki stage hai”.

Shaadi bacche kisme hon, woh batatey mujhko age hain.

Freedom ka aasmaan dikhaakar, daala gender wala cage hain.

Woh existence teri fade karein jab… tu rainbow wala rang ho jaa…

OH STREE… CHAL DABANGG HO JAA!

30th birthday pe single hoon toh aunty ko kyun chinta hoti hai?

Single ladki ko society ghar naa de, toh yahi society aaram se soti hai.

Bas ek insta story, FB se, mera relationship judge ho jaata hai.

Aur aise hi mujhe available mankar, inka haath galti se touch ho jaata hai.

Judged baton ko bhool tu apne jazbaaton ke sang ho jaa…

OH STREE… CHAL DABANGG HO JAA!

Pata hai, thodi patli hoti toh zyaada sundar lagti.

Haan bas thodi gori hoti toh yeh saree kinni sajti.

Suno aunty ji band karo… yeh sundarta ki bhakti.

Kya hai na ki apki umar mein bhi yeh baatein nahi jachti.

Bedhangi body shaming mat sun, tu bindaas be-dhang ho jaa…

OH STREE… CHAL DABANGG HO JAA!

“Itna zyaada kamaati hai, husband ko naukar banayegi.”

“Ladki ambitious hai bhaiyya, roti kahan khilaayegi.”

“She’s too opinionated, power ka guroor hai.”

Aisi baaton se paala apna, harr din padta zaroor hai.

Woh kheechein tujhko neechey toh, tu aur oonchi patang ho jaa…

OH STREE… CHAL DABANGG HO JAA!

“Main shaadi ke baad, aapko job ALLOW karunga.”

“Matlab MBA tera ek taraf, hoga wahi jo main kahunga.”

“Main kisi se bhi milke aaun, mard hoon, sawaal naa karna.”

“Par tumko male colleagues phone kare, toh yeh main nahi sahunga.”

Aisi toxic mardaangi se ladne, tu roz nayi si jung ho jaa…

OH STREE…CHAL DABANGG HO JAA!

What do you think?

-1 Points
Upvote Downvote
Mentor

Written by pragya singh

Years Of MembershipContent AuthorYears Of MembershipContent AuthorUp/Down VoterUp/Down VoterYears Of MembershipUp/Down VoterYears Of MembershipUp/Down Voter

Comments

Share your commnents

This site uses Akismet to reduce spam. Learn how your comment data is processed.

GIPHY App Key not set. Please check settings

Loading…

0

Quote by Rumi: Be like melting snow.

Image of American Novelist Harper Lee and a quote by her is written

Quote on People by Harper Lee